Texts

atha rājñām indramahasyopācārakalpaṃ vyākhyāsyāmaḥ // (1) Par.?

proṣṭhapade śuklapakṣe 'śvayuje vāṣṭamyāṃ praveśaḥ // (2) Par.?

śravaṇenotthāpanam // (3) Par.?

saṃbhṛteṣu saṃbhāreṣu brahmā rājā cobhau snātāvahatavasanau surabhiṇau vratavantau karmaṇyāv upavasataḥ // (4) Par.?

śvo bhūte śaṃ no devyāḥ pādair ardharcābhyām ṛcā ṣaṭkṛtvodakam ācāmataḥ // (5) Par.?

arvāñcam indraṃ trātāram indraḥ sutrāmety ājyaṃ hutvā // (6) Par.?

athendram utthāpayanti // (7) Par.?

ā tvāhārṣaṃ dhruvā dyaur viśas tvā sarvā vāñchantv iti sarvato 'pramattā dhārayeran // (8) Par.?

adbhutaṃ hi vimānotthitam upatiṣṭhante // (9) Par.?

abhibhūr yajña ity etais tribhiḥ sūktair anvārabdhe rājani pūrṇahomaṃ juhuyāt // (10) Par.?

atha paśūnām upācāram // (11) Par.?

indradevatāḥ syuḥ // (12) Par.?

ye rājño bhṛtyāḥ syuḥ sarve dīkṣitā brahmacāriṇaḥ syuḥ // (13) Par.?

indraṃ copasadya yajeraṃs trirātraṃ pañcarātraṃ vā // (14) Par.?

trir ayanam ahnām upatiṣṭhante haviṣā ca yajante // (15) Par.?

āvṛta indram aham iti // (16) Par.?

indra kṣatram iti haviṣo hutvā brāhmaṇān paricareyuḥ // (17) Par.?

na saṃsthitahomāñ juhuyād ity āhur ācāryāḥ // (18) Par.?

indrasyāvabhṛthād indram avabhṛthāya vrajanti // (19) Par.?

apāṃ sūktair āplutya pradakṣiṇam āvṛtyāpa upaspṛśyānavekṣamāṇāḥ pratyudāvrajanti // (20) Par.?

brāhmaṇān bhaktenopepsanti // (21) Par.?

śvaḥ śvo 'sya rāṣṭraṃ jyāyo bhavatyeko 'syāṃ pṛthivyāṃ rājā bhavati na purā jarasaḥ pramīyate ya evaṃ veda yaś caivaṃ vidvān indramaheṇa carati // (22) Par.?