Texts

Help

Select a text:
Bibliography

Select a chapter:
(no revisions)

Associated topic(s): Genealogies

Show parallels Show headlines
Use dependency labeler

Chapter id: 16287

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

bhajamānasya putro 'tha rathamukhyo vidūrathaḥ / (1.2) Par.?

rājādhidevaḥ śūras tu vidūrathasuto 'bhavat // (1.3) Par.?

rājādhidevasya sutā jajñire vīryavattarāḥ / (2.1) Par.?

dattātidattau balinau śoṇāśvaḥ śvetavāhanaḥ // (2.2) Par.?

śamī ca daṇḍaśarmā ca dattaśatruś ca śatrujit / (3.1) Par.?

śravaṇā ca śraviṣṭhā ca svasārau saṃbabhūvatuḥ // (3.2) Par.?

śamīputraḥ pratikṣatraḥ pratikṣatrasya cātmajaḥ / (4.1) Par.?

svayaṃbhojaḥ svayaṃbhojāddhṛdikaḥ saṃbabhūva ha // (4.2) Par.?

tasya putrā babhūvur hi sarve bhīmaparākramāḥ / (5.1) Par.?

kṛtavarmāgrajas teṣāṃ śatadhanvā tu madhyamaḥ // (5.2) Par.?

devāntaś ca narāntaś ca bhiṣag vaitaraṇaś ca yaḥ / (6.1) Par.?

sudāntaś cādhidāntaś ca kīnāśo dāmadambhakau // (6.2) Par.?

devāntasyābhavat putro vidvān kambalabarhiṣaḥ / (7.1) Par.?

asamaujās tathā vīro nāsamaujāś ca tāv ubhau // (7.2) Par.?

ajātaputrāya sutān pradadāv asamaujase / (8.1) Par.?

sudaṃṣṭraṃ ca sucāruṃ ca kṛṣṇam ity andhakāḥ smṛtāḥ // (8.2) Par.?

gāndhārī caiva mādrī ca kroṣṭor bhārye babhūvatuḥ / (9.1) Par.?

gāndhārī janayāmāsa sumitraṃ mitranandanam // (9.2) Par.?

mādrī yudhājitaṃ putraṃ tato vai devamīḍhuṣam / (10.1) Par.?

anamitram amitrāṇāṃ jetāraṃ ca mahābalam // (10.2) Par.?

anamitrasuto nighno nighnasya dvau babhūvatuḥ / (11.1) Par.?

prasenaś cātha satrājic chatrusenājitāv ubhau // (11.2) Par.?

praseno dvāravatyāṃ tu niviśantyāṃ mahāmaṇim / (12.1) Par.?

divyaṃ syamantakaṃ nāma samudrād upalabdhavān // (12.2) Par.?

sa maṇiḥ syandate rukmaṃ vṛṣṇyandhakaniveśane / (13.1) Par.?

kālavarṣī ca parjanyo na ca vyādhibhayaṃ bhavet // (13.2) Par.?

lipsāṃ cakre prasenāt tu maṇiratnaṃ syamantakam / (14.1) Par.?

govindo na ca taṃ lebhe śakto 'pi na jahāra saḥ // (14.2) Par.?

kadācin mṛgayāṃ yātaḥ prasenas tena bhūṣitaḥ / (15.1) Par.?

syamantakakṛte siṃhād vadhaṃ prāpa vanecarāt // (15.2) Par.?

atha siṃhaṃ pradhāvantam ṛkṣarājo mahābalaḥ / (16.1) Par.?

nihatya maṇiratnaṃ tam ādāya bilam āviśat // (16.2) Par.?

tato vṛṣṇyandhakāḥ kṛṣṇaṃ prasenavadhakāraṇāt / (17.1) Par.?

prārthanāṃ tāṃ maṇer buddhvā sarva eva śaśaṅkire // (17.2) Par.?

sa śaṅkyamāno dharmātmā nakārī tasya karmaṇaḥ / (18.1) Par.?

āhariṣye maṇim iti pratijñāya vanaṃ yayau // (18.2) Par.?

prasenasya padaṃ gṛhya puruṣair āptakāribhiḥ / (19.1) Par.?

ṛkṣavantaṃ girivaraṃ vindhyaṃ ca girim uttamam // (19.2) Par.?

anveṣayan pariśrāntaḥ sa dadarśa mahāmanāḥ / (20.1) Par.?

sāśvaṃ hataṃ prasenaṃ tu nāvindac caiva taṃ maṇim // (20.2) Par.?

atha siṃhaḥ prasenasya śarīrasyāvidūrataḥ / (21.1) Par.?

ṛkṣena nihato dṛṣṭaḥ pādair ṛkṣasya sūcitaḥ // (21.2) Par.?

pādais tair anviyāyātha guhām ṛkṣasya mādhavaḥ / (22.1) Par.?

mahaty ṛkṣabile vāṇīṃ śuśrāva pramaderitām // (22.2) Par.?

dhātryā kumāram ādāya sutaṃ jāmbavato nṛpa / (23.1) Par.?

krīḍāpayantyā maṇinā mā rodīr ity atheritām // (23.2) Par.?

dhātryuvāca / (24.1) Par.?

siṃhaḥ prasenam avadhīt siṃho jāmbavatā hataḥ / (24.2) Par.?

sukumāraka mā rodīs tava hy eṣa syamantakaḥ // (24.3) Par.?

vyaktīkṛtaś ca śabdaḥ sa tūrṇaṃ cāpi yayau bilam / (25.1) Par.?

śārṅgadhanvā bilasthaṃ tu jāmbavantaṃ dadarśa ha // (25.2) Par.?

yuyudhe vāsudevas tu bile jāmbavatā saha / (26.1) Par.?

bāhubhyām eva govindo divasān ekaviṃśatim // (26.2) Par.?

praviṣṭe tu bilaṃ kṛṣṇe vasudevapuraḥsarāḥ / (27.1) Par.?

punar dvāravatīm etya hataṃ kṛṣṇaṃ nyavedayan // (27.2) Par.?

vāsudevas tu nirjitya jāmbavantaṃ mahābalam / (28.1) Par.?

lebhe jāmbavatīṃ kanyām ṛkṣarājasya saṃmatām // (28.2) Par.?

maṇiṃ syamantakaṃ caiva jagrāhātmaviśuddhaye / (29.1) Par.?

anunīyarkṣarājānaṃ niryayau ca tadā bilāt // (29.2) Par.?

evaṃ sa maṇim āhṛtya viśodhyātmānam acyutaḥ / (30.1) Par.?

dadau satrājite taṃ vai sarvasātvatasaṃsadi // (30.2) Par.?

evaṃ mithyābhiśastena kṛṣṇenāmitraghātinā / (31.1) Par.?

ātmā viśodhitaḥ pāpād vinirjitya syamantakam // (31.2) Par.?

satrājito daśa tv āsan bhāryās tāsāṃ śataṃ sutāḥ / (32.1) Par.?

khyātimantas trayas teṣāṃ bhaṅgakāras tu pūrvajaḥ // (32.2) Par.?

vīro vātapatiś caiva upasvāvāṃs tathaiva ca / (33.1) Par.?

kumāryaś cāpi tisro vai dikṣu khyātā narādhipa // (33.2) Par.?

satyabhāmottamā strīṇāṃ vratinī ca dṛḍhavratā / (34.1) Par.?

tathā padmāvatī caiva bhāryāḥ kṛṣṇasya tā dadau // (34.2) Par.?

sabhākṣo bhaṅgakārāt tu nāreyaś ca narottamau / (35.1) Par.?

jajñāte guṇasampannau viśrutau guṇasaṃpadā // (35.2) Par.?

madhoḥ putrasya jajñe 'tha pṛśniḥ putro yudhājitaḥ / (36.1) Par.?

jajñāte tanayau pṛśneḥ śvaphalkaś citrakas tathā // (36.2) Par.?

śvaphalkaḥ kāśirājasya sutāṃ bhāryām avindata / (37.1) Par.?

gāṃdīṃ tasyās tu gāṃdītvaṃ sadā gāḥ pradadau hi sā // (37.2) Par.?

tasyāṃ jajñe tadā vīraḥ śrutavān iti bhārata / (38.1) Par.?

akrūro 'tha mahābhāgo yajvā vipuladakṣiṇaḥ // (38.2) Par.?

upāsaṅgas tathā madgur mṛduraś cārimardanaḥ / (39.1) Par.?

girikṣipas tathopekṣaḥ śatruhā cārimejayaḥ // (39.2) Par.?

carmabhṛc cārivarmā ca gṛdhramojā naras tathā / (40.1) Par.?

āvāhaprativāhau ca sundarā ca varāṅganā // (40.2) Par.?

viśrutā sāmbamahiṣī kanyā cāsya vasuṃdharā / (41.1) Par.?

rūpayauvanasampannā sarvasattvamanoharā // (41.2) Par.?

akrūreṇaugrasenyāṃ tu sugātryāṃ kurunandana / (42.1) Par.?

sudevaś copadevaś ca jajñāte devavarcasau // (42.2) Par.?

citrakasyābhavan putrāḥ pṛthur vipṛthur eva ca / (43.1) Par.?

aśvaseno 'śvabāhuś ca supārśvakagaveṣaṇau // (43.2) Par.?

ariṣṭanemes tu sutā dharmo dharmabhṛd eva ca / (44.1) Par.?

subāhur bahubāhuś ca śraviṣṭhāśravaṇe striyau // (44.2) Par.?

imāṃ mithyābhiśastiṃ yaḥ kṛṣṇasya samudāhṛtām / (45.1) Par.?

veda mithyābhiśāpās taṃ na spṛśanti kadācana // (45.2) Par.?

Duration=0.21251797676086 secs.