UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2822
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
athābravīd draupadī rājaputrī pṛṣṭā śibīnāṃ pravareṇa tena / (1.2)
Par.?
avekṣya mandaṃ pravimucya śākhāṃ saṃgṛhṇatī kauśikam uttarīyam // (1.3)
Par.?
buddhyābhijānāmi narendraputra na mādṛśī tvām abhibhāṣṭum arhā / (2.1)
Par.?
na tveha vaktāsti taveha vākyam anyo naro vāpyatha vāpi nārī // (2.2)
Par.?
ekā hyahaṃ samprati tena vācaṃ dadāni vai bhadra nibodha cedam / (3.1)
Par.?
ahaṃ hyaraṇye katham ekam ekā tvām ālapeyaṃ niratā svadharme // (3.2)
Par.?
jānāmi ca tvāṃ surathasya putraṃ yaṃ koṭikāśyeti vidur manuṣyāḥ / (4.1)
Par.?
tasmād ahaṃ śaibya tathaiva tubhyam ākhyāmi bandhūn prati tannibodha // (4.2)
Par.?
apatyam asmi drupadasya rājñaḥ kṛṣṇeti māṃ śaibya vidur manuṣyāḥ / (5.1)
Par.?
sāhaṃ vṛṇe pañca janān patitve ye khāṇḍavaprasthagatāḥ śrutās te // (5.2)
Par.?
yudhiṣṭhiro bhīmasenārjunau ca mādryāśca putrau puruṣapravīrau / (6.1)
Par.?
te māṃ niveśyeha diśaś catasro vibhajya pārthā mṛgayāṃ prayātāḥ // (6.2)
Par.?
prācīṃ rājā dakṣiṇāṃ bhīmaseno jayaḥ pratīcīṃ yamajāvudīcīm / (7.1)
Par.?
manye tu teṣāṃ rathasattamānāṃ kālo 'bhitaḥ prāpta ihopayātum // (7.2)
Par.?
saṃmānitā yāsyatha tair yatheṣṭaṃ vimucya vāhān avagāhayadhvam / (8.1)
Par.?
priyātithir dharmasuto mahātmā prīto bhaviṣyatyabhivīkṣya yuṣmān // (8.2)
Par.?
etāvad uktvā drupadātmajā sā śaibyātmajaṃ candramukhī pratītā / (9.1)
Par.?
viveśa tāṃ parṇakuṭīṃ praśastāṃ saṃcintya teṣām atithisvadharmam // (9.2)
Par.?
Duration=0.052817106246948 secs.