Texts

nārada uvāca / (1.1) Par.?

āviṣkṛtabalaṃ karṇaṃ jñātvā rājā tu māgadhaḥ / (1.2) Par.?

āhvayad dvairathenājau jarāsaṃdho mahīpatiḥ // (1.3) Par.?

tayoḥ samabhavad yuddhaṃ divyāstraviduṣor dvayoḥ / (2.1) Par.?

yudhi nānāpraharaṇair anyonyam abhivarṣatoḥ // (2.2) Par.?

kṣīṇabāṇau vidhanuṣau bhagnakhaḍgau mahīṃ gatau / (3.1) Par.?

bāhubhiḥ samasajjetām ubhāvapi balānvitau // (3.2) Par.?

bāhukaṇṭakayuddhena tasya karṇo 'tha yudhyataḥ / (4.1) Par.?

bibheda saṃdhiṃ dehasya jarayā śleṣitasya ha // (4.2) Par.?

sa vikāraṃ śarīrasya dṛṣṭvā nṛpatir ātmanaḥ / (5.1) Par.?

prīto 'smītyabravīt karṇaṃ vairam utsṛjya bhārata // (5.2) Par.?

prītyā dadau sa karṇāya mālinīṃ nagarīm atha / (6.1) Par.?

aṅgeṣu naraśārdūla sa rājāsīt sapatnajit // (6.2) Par.?

pālayāmāsa campāṃ tu karṇaḥ parabalārdanaḥ / (7.1) Par.?

duryodhanasyānumate tavāpi viditaṃ tathā // (7.2) Par.?

evaṃ śastrapratāpena prathitaḥ so 'bhavat kṣitau / (8.1) Par.?

tvaddhitārthaṃ surendreṇa bhikṣito varmakuṇḍale // (8.2) Par.?

sa divye sahaje prādāt kuṇḍale paramārcite / (9.1) Par.?

sahajaṃ kavacaṃ caiva mohito devamāyayā // (9.2) Par.?

vimuktaḥ kuṇḍalābhyāṃ ca sahajena ca varmaṇā / (10.1) Par.?

nihato vijayenājau vāsudevasya paśyataḥ // (10.2) Par.?

brāhmaṇasyābhiśāpena rāmasya ca mahātmanaḥ / (11.1) Par.?

kuntyāśca varadānena māyayā ca śatakratoḥ // (11.2) Par.?

bhīṣmāvamānāt saṃkhyāyāṃ rathānām ardhakīrtanāt / (12.1) Par.?

śalyāt tejovadhāccāpi vāsudevanayena ca // (12.2) Par.?

rudrasya devarājasya yamasya varuṇasya ca / (13.1) Par.?

kuberadroṇayoścaiva kṛpasya ca mahātmanaḥ // (13.2) Par.?

astrāṇi divyānyādāya yudhi gāṇḍīvadhanvanā / (14.1) Par.?

hato vaikartanaḥ karṇo divākarasamadyutiḥ // (14.2) Par.?

evaṃ śaptastava bhrātā bahubhiścāpi vañcitaḥ / (15.1) Par.?

na śocyaḥ sa naravyāghro yuddhe hi nidhanaṃ gataḥ // (15.2) Par.?