Texts

Select a text:
Bibliography

Select a chapter:
(no revisions)

Associated topic(s): Politics

Show parallels Show headlines
Use dependency labeler

Chapter id: 6080

bhīṣma uvāca / (1.1) Par.?

atrāpyudāharantīmam itihāsaṃ purātanam / (1.2) Par.?

bṛhaspateśca saṃvādaṃ śakrasya ca yudhiṣṭhira // (1.3) Par.?

śakra uvāca / (2.1) Par.?

kiṃ svid ekapadaṃ brahman puruṣaḥ samyag ācaran / (2.2) Par.?

pramāṇaṃ sarvabhūtānāṃ yaśaścaivāpnuyānmahat // (2.3) Par.?

bṛhaspatir uvāca / (3.1) Par.?

sāntvam ekapadaṃ śakra puruṣaḥ samyag ācaran / (3.2) Par.?

pramāṇaṃ sarvabhūtānāṃ yaśaścaivāpnuyānmahat // (3.3) Par.?

etad ekapadaṃ śakra sarvalokasukhāvaham / (4.1) Par.?

ācaran sarvabhūteṣu priyo bhavati sarvadā // (4.2) Par.?

yo hi nābhāṣate kiṃcit satataṃ bhrukuṭīmukhaḥ / (5.1) Par.?

dveṣyo bhavati bhūtānāṃ sa sāntvam iha nācaran // (5.2) Par.?

yastu pūrvam abhiprekṣya pūrvam evābhibhāṣate / (6.1) Par.?

smitapūrvābhibhāṣī ca tasya lokaḥ prasīdati // (6.2) Par.?

dānam eva hi sarvatra sāntvenānabhijalpitam / (7.1) Par.?

na prīṇayati bhūtāni nirvyañjanam ivāśanam // (7.2) Par.?

adātā hyapi bhūtānāṃ madhurām īrayan giram / (8.1) Par.?

sarvalokam imaṃ śakra sāntvena kurute vaśe // (8.2) Par.?

tasmāt sāntvaṃ prakartavyaṃ daṇḍam ādhitsatām iha / (9.1) Par.?

phalaṃ ca janayatyevaṃ na cāsyodvijate janaḥ // (9.2) Par.?

sukṛtasya hi sāntvasya ślakṣṇasya madhurasya ca / (10.1) Par.?

samyag āsevyamānasya tulyaṃ jātu na vidyate // (10.2) Par.?

bhīṣma uvāca / (11.1) Par.?

ityuktaḥ kṛtavān sarvaṃ tathā śakraḥ purodhasā / (11.2) Par.?

tathā tvam api kaunteya samyag etat samācara // (11.3) Par.?

Duration=0.043270111083984 secs.