Texts

manur uvāca / (1.1) Par.?

yathā vyaktam idaṃ śete svapne carati cetanam / (1.2) Par.?

jñānam indriyasaṃyuktaṃ tadvat pretya bhavābhavau // (1.3) Par.?

yathāmbhasi prasanne tu rūpaṃ paśyati cakṣuṣā / (2.1) Par.?

tadvat prasannendriyavāñ jñeyaṃ jñānena paśyati // (2.2) Par.?

sa eva lulite tasmin yathā rūpaṃ na paśyati / (3.1) Par.?

tathendriyākulībhāve jñeyaṃ jñāne na paśyati // (3.2) Par.?

abuddhir ajñānakṛtā abuddhyā duṣyate manaḥ / (4.1) Par.?

duṣṭasya manasaḥ pañca sampraduṣyanti mānasāḥ // (4.2) Par.?

ajñānatṛpto viṣayeṣvavagāḍho na dṛśyate / (5.1) Par.?

adṛṣṭvaiva tu pūtātmā viṣayebhyo nivartate // (5.2) Par.?

tarṣacchedo na bhavati puruṣasyeha kalmaṣāt / (6.1) Par.?

nivartate tathā tarṣaḥ pāpam antaṃ gataṃ yathā // (6.2) Par.?

viṣayeṣu ca saṃsargācchāśvatasya nasaṃśrayāt / (7.1) Par.?

manasā cānyad ākāṅkṣan paraṃ na pratipadyate // (7.2) Par.?

jñānam utpadyate puṃsāṃ kṣayāt pāpasya karmaṇaḥ / (8.1) Par.?

athādarśatalaprakhye paśyatyātmānam ātmani // (8.2) Par.?

prasṛtair indriyair duḥkhī tair eva niyataiḥ sukhī / (9.1) Par.?

tasmād indriyarūpebhyo yacched ātmānam ātmanā // (9.2) Par.?

indriyebhyo manaḥ pūrvaṃ buddhiḥ paratarā tataḥ / (10.1) Par.?

buddheḥ parataraṃ jñānaṃ jñānāt parataraṃ param // (10.2) Par.?

avyaktāt prasṛtaṃ jñānaṃ tato buddhistato manaḥ / (11.1) Par.?

manaḥ śrotrādibhir yuktaṃ śabdādīn sādhu paśyati // (11.2) Par.?

yastāṃstyajati śabdādīn sarvāśca vyaktayastathā / (12.1) Par.?

vimuñcatyākṛtigrāmāṃstānmuktvāmṛtam aśnute // (12.2) Par.?

udyan hi savitā yadvat sṛjate raśmimaṇḍalam / (13.1) Par.?

sa evāstam upāgacchaṃstad evātmani yacchati // (13.2) Par.?

antarātmā tathā deham āviśyendriyaraśmibhiḥ / (14.1) Par.?

prāpyendriyaguṇān pañca so 'stam āvṛtya gacchati // (14.2) Par.?

praṇītaṃ karmaṇā mārgaṃ nīyamānaḥ punaḥ punaḥ / (15.1) Par.?

prāpnotyayaṃ karmaphalaṃ pravṛddhaṃ dharmam ātmavān // (15.2) Par.?

viṣayā vinivartante nirāhārasya dehinaḥ / (16.1) Par.?

rasavarjaṃ raso 'pyasya paraṃ dṛṣṭvā nivartate // (16.2) Par.?

buddhiḥ karmaguṇair hīnā yadā manasi vartate / (17.1) Par.?

tadā sampadyate brahma tatraiva pralayaṃ gatam // (17.2) Par.?

asparśanam aśṛṇvānam anāsvādam adarśanam / (18.1) Par.?

aghrāṇam avitarkaṃ ca sattvaṃ praviśate param // (18.2) Par.?

manasyākṛtayo magnā manastvatigataṃ matim / (19.1) Par.?

matistvatigatā jñānaṃ jñānaṃ tvabhigataṃ param // (19.2) Par.?

indriyair manasaḥ siddhir na buddhiṃ budhyate manaḥ / (20.1) Par.?

na buddhir budhyate 'vyaktaṃ sūkṣmastvetāni paśyati // (20.2) Par.?