UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6216
- Click on a sentence to show its analysis
- Keep the mouse pointer over a lemma to show its meanings.
yudhiṣṭhira uvāca / (1.1)
Par.?
kiṃśīlaḥ kiṃsamācāraḥ kiṃvidyaḥ kiṃparāyaṇaḥ / (1.2)
Par.?
prāpnoti brahmaṇaḥ sthānaṃ yat paraṃ prakṛter dhruvam // (1.3)
Par.?
bhīṣma uvāca / (2.1)
Par.?
mokṣadharmeṣu niyato laghvāhāro jitendriyaḥ / (2.2)
Par.?
prāpnoti brahmaṇaḥ sthānaṃ yat paraṃ prakṛter dhruvam // (2.3)
Par.?
atrāpyudāharantīmam itihāsaṃ purātanam / (3.1)
Par.?
jaigīṣavyasya saṃvādam asitasya ca bhārata // (3.2)
Par.?
jaigīṣavyaṃ mahāprājñaṃ dharmāṇām āgatāgamam / (4.1)
Par.?
akrudhyantam ahṛṣyantam asito devalo 'bravīt // (4.2)
Par.?
na prīyase vandyamāno nindyamāno na kupyasi / (5.1)
Par.?
kā te prajñā kutaścaiṣā kiṃ caitasyāḥ parāyaṇam // (5.2)
Par.?
iti tenānuyuktaḥ sa tam uvāca mahātapāḥ / (6.1)
Par.?
mahad vākyam asaṃdigdhaṃ puṣkalārthapadaṃ śuci // (6.2)
Par.?
yā gatir yā parā niṣṭhā yā śāntiḥ puṇyakarmaṇām / (7.1)
Par.?
tāṃ te 'haṃ sampravakṣyāmi yanmāṃ pṛcchasi vai dvija // (7.2)
Par.?
nindatsu ca samo nityaṃ praśaṃsatsu ca devala / (8.1)
Par.?
nihnuvanti ca ye teṣāṃ samayaṃ sukṛtaṃ ca ye // (8.2)
Par.?
uktāśca na vivakṣanti vaktāram ahite ratam / (9.1)
Par.?
pratihantuṃ na cecchanti hantāraṃ vai manīṣiṇaḥ // (9.2)
Par.?
nāprāptam anuśocanti prāptakālāni kurvate / (10.1)
Par.?
na cātītāni śocanti na cainān pratijānate // (10.2)
Par.?
samprāptānāṃ ca pūjyānāṃ kāmād artheṣu devala / (11.1)
Par.?
yathopapattiṃ kurvanti śaktimantaḥ kṛtavratāḥ // (11.2)
Par.?
pakvavidyā mahāprājñā jitakrodhā jitendriyāḥ / (12.1)
Par.?
manasā karmaṇā vācā nāparādhyanti kasyacit // (12.2)
Par.?
anīrṣavo na cānyonyaṃ vihiṃsanti kadācana / (13.1)
Par.?
na ca jātūpatapyante dhīrāḥ parasamṛddhibhiḥ // (13.2)
Par.?
nindāpraśaṃse cātyarthaṃ na vadanti parasya ye / (14.1)
Par.?
na ca nindāpraśaṃsābhyāṃ vikriyante kadācana // (14.2)
Par.?
sarvataśca praśāntā ye sarvabhūtahite ratāḥ / (15.1)
Par.?
na krudhyanti na hṛṣyanti nāparādhyanti kasyacit / (15.2)
Par.?
vimucya hṛdayagranthīṃś caṅkamyante yathāsukham // (15.3)
Par.?
na yeṣāṃ bāndhavāḥ santi ye cānyeṣāṃ na bāndhavāḥ / (16.1)
Par.?
amitrāśca na santyeṣāṃ ye cāmitrā na kasyacit // (16.2)
Par.?
ya evaṃ kurvate martyāḥ sukhaṃ jīvanti sarvadā / (17.1)
Par.?
dharmam evānuvartante dharmajñā dvijasattama / (17.2)
Par.?
ye hyato vicyutā mārgāt te hṛṣyantyudvijanti ca // (17.3)
Par.?
āsthitastam ahaṃ mārgam asūyiṣyāmi kaṃ katham / (18.1)
Par.?
nindyamānaḥ praśasto vā hṛṣyeyaṃ kena hetunā // (18.2)
Par.?
yad yad icchanti tanmārgam abhigacchanti mānavāḥ / (19.1)
Par.?
na me nindāpraśaṃsābhyāṃ hrāsavṛddhī bhaviṣyataḥ // (19.2)
Par.?
amṛtasyeva saṃtṛpyed avamānasya tattvavit / (20.1)
Par.?
viṣasyevodvijennityaṃ saṃmānasya vicakṣaṇaḥ // (20.2)
Par.?
avajñātaḥ sukhaṃ śete iha cāmutra cobhayoḥ / (21.1)
Par.?
vimuktaḥ sarvapāpebhyo yo 'vamantā sa badhyate // (21.2)
Par.?
parāṃ gatiṃ ca ye kecit prārthayanti manīṣiṇaḥ / (22.1)
Par.?
etad vrataṃ samāśritya sukham edhanti te janāḥ // (22.2)
Par.?
sarvataśca samāhṛtya kratūn sarvāñ jitendriyaḥ / (23.1)
Par.?
prāpnoti brahmaṇaḥ sthānaṃ yat paraṃ prakṛter dhruvam // (23.2)
Par.?
nāsya devā na gandharvā na piśācā na rākṣasāḥ / (24.1)
Par.?
padam anvavarohanti prāptasya paramāṃ gatim // (24.2)
Par.?
Duration=0.10282301902771 secs.