UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6263
- Click on a sentence to show its analysis
- Keep the mouse pointer over a lemma to show its meanings.
yudhiṣṭhira uvāca / (1.1)
Par.?
kiṃśīlaḥ kiṃsamācāraḥ kiṃvidyaḥ kiṃparāyaṇaḥ / (1.2)
Par.?
prāpnoti brahmaṇaḥ sthānaṃ yat paraṃ prakṛter dhruvam // (1.3)
Par.?
bhīṣma uvāca / (2.1)
Par.?
mokṣadharmeṣu nirato laghvāhāro jitendriyaḥ / (2.2)
Par.?
prāpnoti paramaṃ sthānaṃ yat paraṃ prakṛter dhruvam // (2.3)
Par.?
svagṛhād abhiniḥsṛtya lābhālābhe samo muniḥ / (3.1)
Par.?
samupoḍheṣu kāmeṣu nirapekṣaḥ parivrajet // (3.2)
Par.?
na cakṣuṣā na manasā na vācā dūṣayed api / (4.1)
Par.?
na pratyakṣaṃ parokṣaṃ vā dūṣaṇaṃ vyāharet kvacit // (4.2)
Par.?
na hiṃsyāt sarvabhūtāni maitrāyaṇagatiścaret / (5.1)
Par.?
nedaṃ jīvitam āsādya vairaṃ kurvīta kenacit // (5.2)
Par.?
ativādāṃstitikṣeta nābhimanyet kathaṃcana / (6.1)
Par.?
krodhyamānaḥ priyaṃ brūyād ākruṣṭaḥ kuśalaṃ vadet // (6.2)
Par.?
pradakṣiṇaṃ prasavyaṃ ca grāmamadhye na cācaret / (7.1)
Par.?
bhaikṣacaryām anāpanno na gacchet pūrvaketitaḥ // (7.2)
Par.?
avakīrṇaḥ suguptaśca na vācā hyapriyaṃ vadet / (8.1)
Par.?
mṛduḥ syād apratikrūro viśrabdhaḥ syād aroṣaṇaḥ // (8.2)
Par.?
vidhūme nyastamusale vyaṅgāre bhuktavajjane / (9.1)
Par.?
atīte pātrasaṃcāre bhikṣāṃ lipseta vai muniḥ // (9.2)
Par.?
anuyātrikam arthasya mātrālābheṣvanādṛtaḥ / (10.1)
Par.?
alābhe na vihanyeta lābhaścainaṃ na harṣayet // (10.2)
Par.?
lābhaṃ sādhāraṇaṃ necchenna bhuñjītābhipūjitaḥ / (11.1)
Par.?
abhipūjitalābhaṃ hi jugupsetaiva tādṛśaḥ // (11.2)
Par.?
na cānnadoṣānnindeta na guṇān abhipūjayet / (12.1)
Par.?
śayyāsane vivikte ca nityam evābhipūjayet // (12.2)
Par.?
śūnyāgāraṃ vṛkṣamūlam araṇyam athavā guhām / (13.1)
Par.?
ajñātacaryāṃ gatvānyāṃ tato 'nyatraiva saṃviśet // (13.2)
Par.?
anurodhavirodhābhyāṃ samaḥ syād acalo dhruvaḥ / (14.1)
Par.?
sukṛtaṃ duṣkṛtaṃ cobhe nānurudhyeta karmaṇi // (14.2)
Par.?
vāco vegaṃ manasaḥ krodhavegaṃ vivitsāvegam udaropasthavegam / (15.1)
Par.?
etān vegān vinayed vai tapasvī nindā cāsya hṛdayaṃ nopahanyāt // (15.2)
Par.?
madhyastha eva tiṣṭheta praśaṃsānindayoḥ samaḥ / (16.1)
Par.?
etat pavitraṃ paramaṃ parivrājaka āśrame // (16.2)
Par.?
mahātmā suvrato dāntaḥ sarvatraivānapāśritaḥ / (17.1)
Par.?
apūrvacārakaḥ saumyo 'niketaḥ samāhitaḥ // (17.2)
Par.?
vānaprasthagṛhasthābhyāṃ na saṃsṛjyeta karhicit / (18.1)
Par.?
ajñātalipsāṃ lipseta na cainaṃ harṣa āviśet // (18.2)
Par.?
vijānatāṃ mokṣa eṣa śramaḥ syād avijānatām / (19.1)
Par.?
mokṣayānam idaṃ kṛtsnaṃ viduṣāṃ hārito 'bravīt // (19.2)
Par.?
abhayaṃ sarvabhūtebhyo dattvā yaḥ pravrajed gṛhāt / (20.1)
Par.?
lokāstejomayāstasya tathānantyāya kalpate // (20.2)
Par.?
Duration=0.067613840103149 secs.