Texts

parāśara uvāca / (1.1) Par.?

manoratharathaṃ prāpya indriyārthahayaṃ naraḥ / (1.2) Par.?

raśmibhir jñānasambhūtair yo gacchati sa buddhimān // (1.3) Par.?

sevāśritena manasā vṛttihīnasya śasyate / (2.1) Par.?

dvijātihastānnirvṛttā na tu tulyāt parasparam // (2.2) Par.?

āyur nasulabhaṃ labdhvā nāvakarṣed viśāṃ pate / (3.1) Par.?

utkarṣārthaṃ prayatate naraḥ puṇyena karmaṇā // (3.2) Par.?

varṇebhyo 'pi paribhraṣṭaḥ sa vai saṃmānam arhati / (4.1) Par.?

na tu yaḥ satkriyāṃ prāpya rājasaṃ karma sevate // (4.2) Par.?

varṇotkarṣam avāpnoti naraḥ puṇyena karmaṇā / (5.1) Par.?

durlabhaṃ tam alabdhā hi hanyāt pāpena karmaṇā // (5.2) Par.?

ajñānāddhi kṛtaṃ pāpaṃ tapasaivābhinirṇudet / (6.1) Par.?

pāpaṃ hi karma phalati pāpam eva svayaṃ kṛtam / (6.2) Par.?

tasmāt pāpaṃ na seveta karma duḥkhaphalodayam // (6.3) Par.?

pāpānubandhaṃ yat karma yadyapi syānmahāphalam / (7.1) Par.?

na tat seveta medhāvī śuciḥ kusalilaṃ yathā // (7.2) Par.?

kiṃkaṣṭam anupaśyāmi phalaṃ pāpasya karmaṇaḥ / (8.1) Par.?

pratyāpannasya hi sato nātmā tāvad virocate // (8.2) Par.?

pratyāpattiśca yasyeha bāliśasya na jāyate / (9.1) Par.?

tasyāpi sumahāṃstāpaḥ prasthitasyopajāyate // (9.2) Par.?

viraktaṃ śodhyate vastraṃ na tu kṛṣṇopasaṃhitam / (10.1) Par.?

prayatnena manuṣyendra pāpam evaṃ nibodha me // (10.2) Par.?

svayaṃ kṛtvā tu yaḥ pāpaṃ śubham evānutiṣṭhati / (11.1) Par.?

prāyaścittaṃ naraḥ kartum ubhayaṃ so 'śnute pṛthak // (11.2) Par.?

ajñānāt tu kṛtāṃ hiṃsām ahiṃsā vyapakarṣati / (12.1) Par.?

brāhmaṇāḥ śāstranirdeśād ityāhur brahmavādinaḥ // (12.2) Par.?

tathā kāmakṛtaṃ cāsya vihiṃsaivāpakarṣati / (13.1) Par.?

ityāhur dharmaśāstrajñā brāhmaṇā vedapāragāḥ // (13.2) Par.?

ahaṃ tu tāvat paśyāmi karma yad vartate kṛtam / (14.1) Par.?

guṇayuktaṃ prakāśaṃ ca pāpenānupasaṃhitam // (14.2) Par.?

yathā sūkṣmāṇi karmāṇi phalantīha yathātatham / (15.1) Par.?

buddhiyuktāni tānīha kṛtāni manasā saha // (15.2) Par.?

bhavatyalpaphalaṃ karma sevitaṃ nityam ulbaṇam / (16.1) Par.?

abuddhipūrvaṃ dharmajña kṛtam ugreṇa karmaṇā // (16.2) Par.?

kṛtāni yāni karmāṇi daivatair munibhistathā / (17.1) Par.?

nācaret tāni dharmātmā śrutvā cāpi na kutsayet // (17.2) Par.?

saṃcintya manasā rājan viditvā śaktim ātmanaḥ / (18.1) Par.?

karoti yaḥ śubhaṃ karma sa vai bhadrāṇi paśyati // (18.2) Par.?

nave kapāle salilaṃ saṃnyastaṃ hīyate yathā / (19.1) Par.?

navetare tathābhāvaṃ prāpnoti sukhabhāvitam // (19.2) Par.?

satoye 'nyat tu yat toyaṃ tasminn eva prasicyate / (20.1) Par.?

vṛddhe vṛddhim avāpnoti salile salilaṃ yathā // (20.2) Par.?

evaṃ karmāṇi yānīha buddhiyuktāni bhūpate / (21.1) Par.?

nasamānīha hīnāni tāni puṇyatamānyapi // (21.2) Par.?

rājñā jetavyāḥ sāyudhāśconnatāśca samyak kartavyaṃ pālanaṃ ca prajānām / (22.1) Par.?

agniśceyo bahubhiścāpi yajñair ante madhye vā vanam āśritya stheyam // (22.2) Par.?

damānvitaḥ puruṣo dharmaśīlo bhūtāni cātmānam ivānupaśyet / (23.1) Par.?

garīyasaḥ pūjayed ātmaśaktyā satyena śīlena sukhaṃ narendra // (23.2) Par.?