Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6305

Click on a sentence to show its analysis
Keep the mouse pointer over a lemma to show its meanings.

bhīṣma uvāca / (1.1) Par.?

sa labdhvā paramaṃ devād varaṃ satyavatīsutaḥ / (1.2) Par.?

araṇīṃ tvatha saṃgṛhya mamanthāgnicikīrṣayā // (1.3) Par.?

atha rūpaṃ paraṃ rājan bibhratīṃ svena tejasā / (2.1) Par.?

ghṛtācīṃ nāmāpsarasam apaśyad bhagavān ṛṣiḥ // (2.2) Par.?

ṛṣir apsarasaṃ dṛṣṭvā sahasā kāmamohitaḥ / (3.1) Par.?

abhavad bhagavān vyāso vane tasmin yudhiṣṭhira // (3.2) Par.?

sā ca kṛtvā tadā vyāsaṃ kāmasaṃvignamānasam / (4.1) Par.?

śukī bhūtvā mahārāja ghṛtācī samupāgamat // (4.2) Par.?

sa tām apsarasaṃ dṛṣṭvā rūpeṇānyena saṃvṛtām / (5.1) Par.?

śarīrajenānugataḥ sarvagātrātigena ha // (5.2) Par.?

sa tu dhairyeṇa mahatā nigṛhṇan hṛcchayaṃ muniḥ / (6.1) Par.?

na śaśāka niyantuṃ tad vyāsaḥ pravisṛtaṃ manaḥ / (6.2) Par.?

bhāvitvāccaiva bhāvasya ghṛtācyā vapuṣā hṛtaḥ // (6.3) Par.?

yatnānniyacchatastasya muner agnicikīrṣayā / (7.1) Par.?

araṇyām eva sahasā tasya śukram avāpatat // (7.2) Par.?

so 'viśaṅkena manasā tathaiva dvijasattamaḥ / (8.1) Par.?

araṇīṃ mamantha brahmarṣistasyāṃ jajñe śuko nṛpa // (8.2) Par.?

śukre nirmathyamāne tu śuko jajñe mahātapāḥ / (9.1) Par.?

paramarṣir mahāyogī araṇīgarbhasaṃbhavaḥ // (9.2) Par.?

yathādhvare samiddho 'gnir bhāti havyam upāttavān / (10.1) Par.?

tathārūpaḥ śuko jajñe prajvalann iva tejasā // (10.2) Par.?

bibhrat pituśca kauravya rūpavarṇam anuttamam / (11.1) Par.?

babhau tadā bhāvitātmā vidhūmo 'gnir iva jvalan // (11.2) Par.?

taṃ gaṅgā saritāṃ śreṣṭhā merupṛṣṭhe janeśvara / (12.1) Par.?

svarūpiṇī tadābhyetya snāpayāmāsa vāriṇā // (12.2) Par.?

antarikṣācca kauravya daṇḍaḥ kṛṣṇājinaṃ ca ha / (13.1) Par.?

papāta bhuvi rājendra śukasyārthe mahātmanaḥ // (13.2) Par.?

jegīyante sma gandharvā nanṛtuścāpsarogaṇāḥ / (14.1) Par.?

devadundubhayaścaiva prāvādyanta mahāsvanāḥ // (14.2) Par.?

viśvāvasuśca gandharvastathā tumburunāradau / (15.1) Par.?

hāhāhūhū ca gandharvau tuṣṭuvuḥ śukasaṃbhavam // (15.2) Par.?

tatra śakrapurogāśca lokapālāḥ samāgatāḥ / (16.1) Par.?

devā devarṣayaścaiva tathā brahmarṣayo 'pi ca // (16.2) Par.?

divyāni sarvapuṣpāṇi pravavarṣātra mārutaḥ / (17.1) Par.?

jaṅgamaṃ sthāvaraṃ caiva prahṛṣṭam abhavajjagat // (17.2) Par.?

taṃ mahātmā svayaṃ prītyā devyā saha mahādyutiḥ / (18.1) Par.?

jātamātraṃ muneḥ putraṃ vidhinopānayat tadā // (18.2) Par.?

tasya deveśvaraḥ śakro divyam adbhutadarśanam / (19.1) Par.?

dadau kamaṇḍaluṃ prītyā devavāsāṃsi cābhibho // (19.2) Par.?

haṃsāśca śatapatrāśca sārasāśca sahasraśaḥ / (20.1) Par.?

pradakṣiṇam avartanta śukāścāṣāśca bhārata // (20.2) Par.?

āraṇeyastathā divyaṃ prāpya janma mahādyutiḥ / (21.1) Par.?

tatraivovāsa medhāvī vratacārī samāhitaḥ // (21.2) Par.?

utpannamātraṃ taṃ vedāḥ sarahasyāḥ sasaṃgrahāḥ / (22.1) Par.?

upatasthur mahārāja yathāsya pitaraṃ tathā // (22.2) Par.?

bṛhaspatiṃ tu vavre sa vedavedāṅgabhāṣyavit / (23.1) Par.?

upādhyāyaṃ mahārāja dharmam evānucintayan // (23.2) Par.?

so 'dhītya vedān akhilān sarahasyān sasaṃgrahān / (24.1) Par.?

itihāsaṃ ca kārtsnyena rājaśāstrāṇi cābhibho // (24.2) Par.?

gurave dakṣiṇāṃ dattvā samāvṛtto mahāmuniḥ / (25.1) Par.?

ugraṃ tapaḥ samārebhe brahmacārī samāhitaḥ // (25.2) Par.?

devatānām ṛṣīṇāṃ ca bālye 'pi sa mahātapāḥ / (26.1) Par.?

saṃmantraṇīyo mānyaśca jñānena tapasā tathā // (26.2) Par.?

na tvasya ramate buddhir āśrameṣu narādhipa / (27.1) Par.?

triṣu gārhasthyamūleṣu mokṣadharmānudarśinaḥ // (27.2) Par.?

Duration=0.16835188865662 secs.