Texts

yudhiṣṭhira uvāca / (1.1) Par.?

dharmāḥ pitāmahenoktā mokṣadharmāśritāḥ śubhāḥ / (1.2) Par.?

dharmam āśramiṇāṃ śreṣṭhaṃ vaktum arhati me bhavān // (1.3) Par.?

bhīṣma uvāca / (2.1) Par.?

sarvatra vihito dharmaḥ svargyaḥ satyaphalodayaḥ / (2.2) Par.?

bahudvārasya dharmasya nehāsti viphalā kriyā // (2.3) Par.?

yasmin yasmiṃstu viṣaye yo yo yāti viniścayam / (3.1) Par.?

sa tam evābhijānāti nānyaṃ bharatasattama // (3.2) Par.?

api ca tvaṃ naravyāghra śrotum arhasi me kathām / (4.1) Par.?

purā śakrasya kathitāṃ nāradena surarṣiṇā // (4.2) Par.?

surarṣir nārado rājan siddhastrailokyasaṃmataḥ / (5.1) Par.?

paryeti kramaśo lokān vāyur avyāhato yathā // (5.2) Par.?

sa kadācinmaheṣvāsa devarājālayaṃ gataḥ / (6.1) Par.?

satkṛtaśca mahendreṇa pratyāsannagato 'bhavat // (6.2) Par.?

taṃ kṛtakṣaṇam āsīnaṃ paryapṛcchacchacīpatiḥ / (7.1) Par.?

brahmarṣe kiṃcid āścaryam asti dṛṣṭaṃ tvayānagha // (7.2) Par.?

yathā tvam api viprarṣe trailokyaṃ sacarācaram / (8.1) Par.?

jātakautūhalo nityaṃ siddhaścarasi sākṣivat // (8.2) Par.?

na hyastyaviditaṃ loke devarṣe tava kiṃcana / (9.1) Par.?

śrutaṃ vāpyanubhūtaṃ vā dṛṣṭaṃ vā kathayasva me // (9.2) Par.?

tasmai rājan surendrāya nārado vadatāṃ varaḥ / (10.1) Par.?

āsīnāyopapannāya proktavān vipulāṃ kathām // (10.2) Par.?

yathā yena ca kalpena sa tasmai dvijasattamaḥ / (11.1) Par.?

kathāṃ kathitavān pṛṣṭastathā tvam api me śṛṇu // (11.2) Par.?