UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9451
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataḥ prabhāte rājā sa dhṛtarāṣṭro 'mbikāsutaḥ / (1.2)
Par.?
āhūya pāṇḍavān vīrān vanavāsakṛtakṣaṇaḥ // (1.3)
Par.?
gāndhārīsahito dhīmān abhinandya yathāvidhi / (2.1)
Par.?
kārttikyāṃ kārayitveṣṭiṃ brāhmaṇair vedapāragaiḥ // (2.2)
Par.?
agnihotraṃ puraskṛtya valkalājinasaṃvṛtaḥ / (3.1)
Par.?
vadhūparivṛto rājā niryayau bhavanāt tataḥ // (3.2)
Par.?
tataḥ striyaḥ kauravapāṇḍavānāṃ yāścāpyanyāḥ kauravarājavaṃśyāḥ / (4.1)
Par.?
tāsāṃ nādaḥ prādurāsīt tadānīṃ vaicitravīrye nṛpatau prayāte // (4.2)
Par.?
tato lājaiḥ sumanobhiśca rājā vicitrābhistad gṛhaṃ pūjayitvā / (5.1)
Par.?
saṃyojyārthair bhṛtyajanaṃ ca sarvaṃ tataḥ samutsṛjya yayau narendraḥ // (5.2)
Par.?
tato rājā prāñjalir vepamāno yudhiṣṭhiraḥ sasvanaṃ bāṣpakaṇṭhaḥ / (6.1)
Par.?
vilapyoccair hā mahārāja sādho kva gantāsītyapatat tāta bhūmau // (6.2)
Par.?
tathārjunastīvraduḥkhābhitapto muhur muhur niḥśvasan bhāratāgryaḥ / (7.1)
Par.?
yudhiṣṭhiraṃ maivam ityevam uktvā
nigṛhyāthodīdharat sīdamānaḥ // (7.2)
Par.?
vṛkodaraḥ phalgunaścaiva vīrau mādrīputrau viduraḥ saṃjayaśca / (8.1)
Par.?
vaiśyāputraḥ sahito gautamena dhaumyo viprāścānvayur bāṣpakaṇṭhāḥ // (8.2)
Par.?
kuntī gāndhārīṃ baddhanetrāṃ vrajantīṃ skandhāsaktaṃ hastam athodvahantī / (9.1)
Par.?
rājā gāndhāryāḥ skandhadeśe 'vasajya pāṇiṃ yayau dhṛtarāṣṭraḥ pratītaḥ // (9.2)
Par.?
tathā kṛṣṇā draupadī yādavī ca bālāpatyā cottarā kauravī ca / (10.1)
Par.?
citrāṅgadā yāśca kāścit striyo 'nyāḥ sārdhaṃ rājñā prasthitāstā vadhūbhiḥ // (10.2)
Par.?
tāsāṃ nādo rudatīnāṃ tadāsīd rājan duḥkhāt kurarīṇām ivoccaiḥ / (11.1)
Par.?
tato niṣpetur brāhmaṇakṣatriyāṇāṃ viṭśūdrāṇāṃ caiva nāryaḥ samantāt // (11.2)
Par.?
tanniryāṇe duḥkhitaḥ pauravargo gajāhvaye 'tīva babhūva rājan / (12.1)
Par.?
yathā pūrvaṃ gacchatāṃ pāṇḍavānāṃ dyūte rājan kauravāṇāṃ sabhāyām // (12.2)
Par.?
yā nāpaśyaccandramā naiva sūryo rāmāḥ kadācid api tasminnarendre / (13.1)
Par.?
mahāvanaṃ gacchati kauravendre śokenārtā rājamārgaṃ prapeduḥ // (13.2)
Par.?
Duration=0.062958955764771 secs.