Texts

ṣaḍ arghārhā bhavanti // (1.1) Par.?

ṛtvig vivāhyo rājā pitṛvyasnātakamātulāś ca // (2.1) Par.?

vaiśvadevasya siddhasya sāyaṃ prātar gṛhyāgnau juhuyāt // (3.1) Par.?

gṛhadevatābhyo baliṃ haret // (4.1) Par.?

śrotriyāyāgrabhāgaṃ dattvā brahmacāriṇe vānantaraṃ pitṛbhyo dadyāt // (5.1) Par.?

tato 'tithiṃ bhojayecchreyāṃsaṃ śreyāṃsam ānupūrvyeṇa // (6.1) Par.?

svagṛhyāṇāṃ kumārībālavṛddhataruṇaprajātāḥ // (7.1) Par.?

tato 'parān gṛhyān // (8.1) Par.?

śvacāṇḍālapatitavāyasebhyo bhūmau nirvapet // (9.1) Par.?

śūdrāyocchiṣṭam anucchiṣṭaṃ vā dadyāt // (10.1) Par.?

śeṣaṃ dampatī bhuñjīyātām // (11.1) Par.?

sarvopayogena punarpāko yadi nirupte vaiśvadeve 'tithir āgacched viśeṣeṇāsmā annaṃ kārayet // (12.1) Par.?

vijñāyate hi / (13.1) Par.?

vaiśvānaraḥ praviśaty atithir brāhmaṇo gṛhaṃ tasmād apa ānayanty annaṃ varṣābhyas tāṃ hi śāntiṃ janā vidur iti // (13.2) Par.?

taṃ bhojayitvopāsīta // (14.1) Par.?

ā sīmāntam anuvrajed anujñānād vā // (15.1) Par.?

aparapakṣa ūrdhvaṃ caturthyāḥ pitṛbhyo dadyāt // (16.1) Par.?

pūrvedyur brāhmaṇān saṃnipātya yatīn gṛhasthān sādhūn vāpariṇatavayaso 'vikarmasthāñ śrotriyān aśiṣyān anantevāsinaḥ // (17.1) Par.?

śiṣyān api guṇavato bhojayet // (18.1) Par.?

nagnaśuklaklībāndhaśyāvadantakuṣṭhikunakhivarjam // (19.1) Par.?

athāpy udāharanti / (20.1) Par.?

atha cen mantravid yuktaḥ śārīraiḥ paṅktidūṣaṇaiḥ / (20.2) Par.?

aduṣyaṃ taṃ yamaḥ prāha paṅktipāvana eva saḥ // (20.3) Par.?

śrāddhe nodvāsanīyāni ucchiṣṭāny ā dinakṣayāt / (21.1) Par.?

ścyotante hi sudhādhārās tāḥ pibanty akṛtodakāḥ // (21.2) Par.?

ucchiṣṭaṃ na pramṛjyāt tu yāvan nāstamito raviḥ / (22.1) Par.?

kṣīradhārās tato yānty akṣayyāḥ saṃcarabhāginaḥ // (22.2) Par.?

prāk saṃskārāt pramītānāṃ svavaṃśyānām iti sthitiḥ / (23.1) Par.?

bhāgadheyaṃ manuḥ prāha ucchiṣṭoccheṣaṇe ubhe // (23.2) Par.?

uccheṣaṇaṃ bhūmigataṃ vikiraṃ lepanodakam / (24.1) Par.?

annaṃ preteṣu visṛjed aprajānām anāyuṣām // (24.2) Par.?

ubhayor hastayor muktaṃ pitṛbhyo 'nnaṃ niveditam / (25.1) Par.?

tadantaraṃ pratīkṣante hy asurā duṣṭacetasaḥ // (25.2) Par.?

tasmād aśūnyahastena kuryād annam upāgatam / (26.1) Par.?

bhojanaṃ vā samālabhya tiṣṭhetoccheṣaṇe ubhe // (26.2) Par.?

dvau daive pitṛkṛtye trīn ekaikam ubhayatra vā / (27.1) Par.?

bhojayet susamṛddho 'pi na prasajjeta vistare // (27.2) Par.?

satkriyāṃ deśakālau ca śaucaṃ brāhmaṇasaṃpadam / (28.1) Par.?

pañcaitān vistaro hanti tasmāt taṃ parivarjayet // (28.2) Par.?

api vā bhojayed ekaṃ brāhmaṇaṃ vedapāragam / (29.1) Par.?

śrutaśīlopasaṃpannaṃ sarvālakṣaṇavarjitam // (29.2) Par.?

yady ekaṃ bhojayecchrāddhe daivaṃ tatra kathaṃ bhavet / (30.1) Par.?

annaṃ pātre samuddhṛtya sarvasya prakṛtasya tu // (30.2) Par.?

devatāyatane kṛtvā tataḥ śrāddhaṃ pravartayet / (31.1) Par.?

prāsyed agnau tad annaṃ vā dadyād vā brahmacāriṇe // (31.2) Par.?

yāvad uṣṇaṃ bhavaty annaṃ yāvad aśnanti vāgyatāḥ / (32.1) Par.?

tāvaddhi pitaro 'śnanti yāvan noktā havirguṇāḥ // (32.2) Par.?

havirguṇā na vaktavyāḥ pitaro yāvad atarpitāḥ / (33.1) Par.?

pitṛbhis tarpitaiḥ paścād vaktavyaṃ śobhanaṃ haviḥ // (33.2) Par.?

niyuktas tu yatiḥ śrāddhe daive vā māṃsam utsṛjet / (34.1) Par.?

yāvanti paśuromāṇi tāvan narakam ṛcchati // (34.2) Par.?

trīṇi śrāddhe pavitrāṇi dauhitraḥ kutapas tilāḥ / (35.1) Par.?

trīṇi cātra praśaṃsanti śaucam akrodham atvarām // (35.2) Par.?

divasasyāṣṭame bhāge mandībhavati bhāskaraḥ / (36.1) Par.?

sa kālaḥ kutapo jñeyaḥ pitṝṇāṃ dattam akṣayam // (36.2) Par.?

śrāddhaṃ dattvā bhuktvā ca maithunaṃ yo 'dhigacchati / (37.1) Par.?

bhavanti pitaras tasya tanmāsaṃ retaso bhujaḥ // (37.2) Par.?

yas tato jāyate garbho dattvā bhuktvā ca paitṛkam / (38.1) Par.?

na sa vidyāṃ samāpnoti kṣīṇāyuś caiva jāyate // (38.2) Par.?

pitā pitāmahaś caiva tathaiva prapitāmahaḥ / (39.1) Par.?

upāsate sutaṃ jātaṃ śakuntā iva pippalam // (39.2) Par.?

madhumāṃsaiś ca śākaiś ca payasā pāyasena ca / (40.1) Par.?

eṣa no dāsyati śrāddhaṃ varṣāsu ca maghāsu ca // (40.2) Par.?

santānavarddhanaṃ putram udyataṃ pitṛkarmaṇi / (41.1) Par.?

devabrāhmaṇasampannam abhinandanti pūrvajāḥ // (41.2) Par.?

nandanti pitaras tasya sukṛṣṭair iva karṣakāḥ / (42.1) Par.?

yad gayāstho dadāty annaṃ pitaras tena putriṇa iti // (42.2) Par.?

śrāvaṇyāgrahāyiṇyoś cānvaṣṭakyāṃ ca pitṛbhyo dadyāt // (43.1) Par.?

dravyadeśabrāhmaṇasaṃnidhāne vākālaniyamaḥ // (44.1) Par.?

avaśyaṃ brāhmaṇo 'gnīn ādadhīta // (45.1) Par.?

darśapūrṇamāsāgrayaṇeṣṭicāturmāsyapaśusomaiś ca yajeta // (46.1) Par.?

naiyamikaṃ hy etad ṛṇasaṃstutaṃ ca // (47.1) Par.?

vijñāyate hi / (48.1) Par.?

tribhir ṛṇair ṛṇavān brāhmaṇo jāyata iti / (48.2) Par.?

yajñena devebhyaḥ prajayā pitṛbhyo brahmacaryeṇa ṛṣibhya ity eṣa vānṛṇo yajvā yaḥ putrī brahmacaryavān iti // (48.3) Par.?

garbhāṣṭameṣu brāhmaṇam upanayīta // (49.1) Par.?

garbhād ekādaśeṣu rājanyam // (50.1) Par.?

garbhād dvādaśeṣu vaiśyam // (51.1) Par.?

pālāśo vā daṇḍo brāhmaṇasya // (52.1) Par.?

naiyyagrodhaḥ kṣatriyasya vā // (53.1) Par.?

audumbaro vā vaiśyasya // (54.1) Par.?

keśasaṃmito brāhmaṇasya // (55.1) Par.?

lalāṭasaṃmitaḥ kṣatriyasya // (56.1) Par.?

ghrāṇasaṃmito vaiśyasya // (57.1) Par.?

mauñjī raśanā brāhmaṇasya // (58.1) Par.?

dhanurjyā kṣatriyasya // (59.1) Par.?

śaṇatāntavī vaiśyasya // (60.1) Par.?

kṛṣṇājinam uttarīyaṃ brāhmaṇasya // (61.1) Par.?

rauravaṃ kṣatriyasya // (62.1) Par.?

gavyaṃ bastājinaṃ vā vaiśyasya // (63.1) Par.?

śuklam ahataṃ vāso brāhmaṇasya // (64.1) Par.?

māñjiṣṭhaṃ kṣatriyasya // (65.1) Par.?

hāridraṃ kauśeyaṃ vā vaiśyasya // (66.1) Par.?

sarveṣāṃ vā tāntavam araktam // (67.1) Par.?

bhavatpūrvāṃ brāhmaṇo bhikṣāṃ yācet // (68.1) Par.?

bhavanmadhyāṃ rājanyaḥ // (69.1) Par.?

bhavadantyāṃ vaiśyaḥ // (70.1) Par.?

ā ṣoḍaśād brāhmaṇasya nātītaḥ kālaḥ // (71.1) Par.?

ā dvāviṃśāt kṣatriyasya // (72.1) Par.?

ā caturviṃśād vaiśyasya // (73.1) Par.?

ata ūrdhvaṃ patitasāvitrīkā bhavanti // (74.1) Par.?

naitān upanayen nādhyāpayen na yājayen naibhir vivāhayeyuḥ // (75.1) Par.?

patitasāvitrīka uddālakavrataṃ caret // (76.1) Par.?

dvau māsau yāvakena vartayen māsaṃ payasārdhamāsam āmikṣayāṣṭarātraṃ ghṛtena ṣaḍrātram ayācitena trirātram abbhakṣo 'horātram upavaset // (77.1) Par.?

aśvamedhāvabhṛthaṃ gacchet // (78.1) Par.?

vrātyastomena vā yajed vā yajed iti // (79.1) Par.?